Forskrift om løyve til havbruk med matfisk

Forskrifta skal medverke til å leggje til rette for ei berekraftig og konkurransedyktig havbruksnæring som kan bidra til aktivitet og verdiskaping langs kysten, og stimulere til realisering av nye teknologiske løysingar eller driftsmåtar som legg til rette for å redusere miljøutfordringane med rømming av oppdrettsfisk og spreiing av lakselus.

Forskrifta gjeld tildeling av inntil 45 løyve til havbruk med matfisk av laks, aure og regnbogeaure i sjøvatn og innløysing av inntil 35 tidlegare gitte løyve.

For tildeling av løyve i

Gruppe A (Finnmark og Troms) gjeld kapittel I, II og V

Gruppe B (open gruppe med lukka bodrunde) gjeld kapittel I, III og V

Gruppe C (open gruppe) gjeld kapittel I, IV og V.

Fiskeridirektoratet står for den offentlege utlysinga av løyva, og utlysinga skal mellom anna innehalde

opplysningar om kvar søknadene skal sendast

søknadsfrist og opplysning om at søknader som kjem inn til Fiskeridirektoratet etter søknadsfristen vil bli avviste

at det ikkje er mogleg å endre søknaden eller komme med tilleggsopplysningar etter at søknadsfristen er gått ut

krav til søknaden

storleiken på vederlaget for dei gruppene det er relevant for

opplysningar om at bod innkomne i den lukka bodrunden er bindande og ikkje kan bli trekte tilbake

at søknader som er mangelfulle etter § 5 blir avviste

opplysningar om søknadsgebyr.